Gweithiai glowyr yn galed am eu cyflog wrth i’r cwmnïau glo a thirberchnogion ffynnu.
Roedd glowyr fel arfer yn weithwyr ar dasg (caent eu talu yn ôl faint o waith bydden nhw’n ei wneud). Mae rhestrau prisiau yn dangos cyfraddau tâl y glowyr ar gyfer amrywiol dasgau. Cyflwynwyd isafswm cyflog i lowyr yn 1912.
Cadwai’r cwmnïau glo lygaid barcud ar gostau cynhyrchu, gan gofnodi faint o lo a gloddiwyd a faint oedd y gost iddyn nhw. Mae llyfrau allbwn yn rhoi’r rhesymau dros newidiadau i lefelau cynhyrchiant, megis yr amser a gollwyd ar adeg o streic.
Mae llyfrau breindal a ffordd-fraint yn dangos bod tirberchnogion yn derbyn arian gan gwmnïau glo am gael defnyddio’u tir a’r mwynau a weithiwyd oddi tanno.
