Yn wahanol i streiciau 1972 a 1974, a gynhaliwyd ar fater cyflog, testun streic 1984 oedd dyfodol y diwydiant – Dr Ben Curtis
Ar 6 Mawrth 1984, cyhoeddodd y Bwrdd Glo Cenedlaethol ei fwriad i dorri 4 miliwn o dunelli o lo oddi ar y capasiti a thorri 20,000 o swyddi o fewn blwyddyn. Aeth glowyr ledled y DU ar streic i achub y diwydiant a’u cymunedau.
Chwaraeodd menywod ran hanfodol yn cefnogi’r glowyr yn ystod y streic. Yng nghofnodion cyfarfod cyntaf Grŵp Cymorth Merched De Cymru, ysgrifennodd Kath Jones:
… roedd hi’n gyffrous gweld bod menywod yn trefnu eu hunain fel na wnaethant erioed o’r blaen mewn unrhyw anghydfod diwydiannol.
Ond cael eu trechu fu hanes y glowyr. O fewn deg mis i adeg y streic, roedd naw o lofeydd de Cymru wedi eu cau.
