Mae’r arddangosfa hon yn olrhain twf Hughesovka – Stalino yn ddiweddarach a Donetsk heddiw – o safle gwyntog ar baith Wcráin i ddinas ddiwydiannol fawr gydag olion Cymreig parhaol. Yn y 1860au, roedd eisiau glo, haearn a dur ar Rwsia Ymerodrol i gyflymu adeiladu rheilffyrdd.
Yng Nghymru, roedd gan John Hughes y wybodaeth, y cyfalaf, a’r hyder i ddarparu hynny. O fewn cenhedlaeth tyfodd y gwaith a sefydlodd i fod yn dref gwmni ac yna’n ddinas yn cyflenwi rheilffyrdd, dur a glo ar draws yr ymerodraeth.
Mae ein stori yn dilyn arc glir: Gwreiddiau Cymreig Hughes; y cytundeb a darodd gyda gweinidogion yn St Petersburg; gwaith adeiladu a datblygu peryglus y New Russia Company Limited; y gweithwyr medrus a adawodd De Cymru i ddechrau eto; y dref a dyfodd yng nghysgod y ffwrneisi; afiechyd, damweiniau ac aflonyddwch; cyfrifon byw menywod; ac yn olaf rhyfel, chwyldro a gwasgaru cymuned.
A view of the Hughesovka Steelworks