Ar ôl 1919 parhaodd y gwaith o dan reolaeth newydd y Bolsiefic. Ym 1924 ailenwyd y dref yn Stalino, ac ym 1961 daeth yn Donetsk. Ym 1970, ganrif ar ôl i’r ffwrneisi cyntaf gael eu tanio, diddymwyd y New Russia Company Limited ym Mhrydain.
DX677/3/1 - Donetsk, Circa 1990
DX681/1/9 (23) - A market in Donetsk 1990sI’r teuluoedd a adawodd, roedd y canlyniadau yn gymysg. Ymgartrefodd rhai lle’r oedd dur a pheirianneg Prydain yn ffynnu – Sheffield, Manceinion – dychwelodd eraill i Dde Cymru. Roedd llawer wedi colli cynilion ac eiddo wrth geisio dianc. Canfu Thomas Jones, dyn busnes uchel ei barch yn Hughesovka ar un adeg a dderbyniodd fedal Tsaraidd am achub dynion mewn trychineb pwll glo, waith fel llafurwr yn Siop Atgyweirio Rheilffyrdd Dyffryn Taf. Ond parhaodd ei gof o Hughesovka yn gryf, gan ddod i’r amlwg mewn llythyrau, ffotograffau a chofiannau dros y degawdau.
Os hoffech ddarganfod mwy am Hughesovka, gallwch ymweld ag Archifau Morgannwg i weld eitemau o Archif Ymchwil Hughesovka. Gallwch hefyd brynu ein cyhoeddiad, ‘Hughesovka: A Welsh Enterprise in Imperial Russia’ gan Susan Edwards.
DX681/1/9 (24) - Donetsk 1990s A statue of Lenin